Nvidia-ის AI ჩიპების შესაძლო კონტრაბანდა ჩინეთში - ტაივანში სამი პირი დააკავეს
ტაივანის პროკურორები ეჭვობენ, რომ სამმა პირმა მოახერხა Nvidia-ის ხელოვნური ინტელექტის ჩიპების მინიმუმ ერთი პარტიის კონტრაბანდული გზით ჩინეთში გადატანა, იაპონიის გავლით.
Bloomberg-ის ინფორმაციით, საქმე ეხება Super Micro Computer-ის სერვერებს, რომლებიც შეიცავს მოწინავე Nvidia-ს AI ჩიპებს. აღნიშნული სერვერები ექსპორტის წესების გვერდის ავლით, სავარაუდოდ, ჩინეთში მოხვდა. ტაივანის კილუნგის პროკურატურამ სამივე პირი გასულ კვირას დააკავა. მათ ბრალად ედებათ დოკუმენტების გაყალბება, რათა სერვერების ექსპორტი ოფიციალურად დაერეგისტრირებინათ.
ხელისუფლებამ დაახლოებით 50 სერვერი ამოიღო, თუმცა მინიმუმ ერთი პარტია უკვე გასული იყო საბაჟო კონტროლიდან.
ჯენსენ ჰუანგმა ამ კვირაში მოუწოდა Super Micro Computer-ს გაამკაცროს შესაბამისობის პროცესები. ეს საქმე კიდევ ერთხელ უსვამს ხაზს აშშ-ის ექსპორტის შეზღუდვების გვერდის ავლით AI ჩიპების ჩინეთში მოხვედრის პრობლემას, რაც უკვე რამდენიმე ქვეყანაში რეგულაციების გამკაცრების მიზეზია.
