Nvidia Reflection AI-ზე მოლაპარაკებებს აწარმოებს

Nvidia ხელოვნური ინტელექტის სტარტაპ Reflection AI-სთან მოლაპარაკებებს აწარმოებს. ჩიპების მწარმოებელმა შესაძლოა კომპანიაში თავისი წილი გაზარდოს ან Reflection AI მთლიანად შეიძინოს.

განიხილება კიდევ ერთი ვარიანტიც: Reflection AI-ის თანამშრომლების ნაწილი Nvidia-ში გადავიდეს, კომპანიამ კი მისი ტექნოლოგია ლიცენზიით გამოიყენოს. ასეთ შემთხვევაში Nvidia-ს Reflection AI-ის სრულად შეძენა აღარ დასჭირდება, რაც მარეგულირებლების მხრიდან ხანგრძლივი შემოწმების რისკსაც შეამცირებს. მოლაპარაკებები ჯერ საწყის ეტაპზეა და საბოლოო შეთანხმება არ მიღწეულა.

Nvidia უკვე Reflection AI-ის ერთ-ერთი მთავარი ინვესტორია და სტარტაპში დაახლოებით 800 მილიონი დოლარის ინვესტიცია აქვს. კომპანია 2024 წელს Google DeepMind-ის ყოფილმა მკვლევრებმა დააფუძნეს და მისი მთავარი მიმართულება პროგრამირების ავტომატიზაციაა.

Reflection AI-მ რამდენიმე დღის წინ პირველი ღია მოდელი Beam წარადგინა. კომპანია ისეთ სისტემებზე მუშაობს, რომლებსაც პროგრამირების დავალებების დამოუკიდებლად შესრულება შეუძლიათ. მისი კონკურენტები ამ სფეროში DeepSeek და Kimi არიან.

წყარო: Yahoo Finance