OpenAI ChatGPT-ის გაფართოებას გეგმავს
OpenAI ChatGPT-ის ისტორიაში ერთ-ერთ ყველაზე დიდ ცვლილებას გეგმავს. Financial Times-ის ინფორმაციით, კომპანია მას უფრო ფართო სამუშაო სივრცედ აქცევს, სადაც მომხმარებლებს პროგრამირება, სხვადასხვა სერვისთან მუშაობა და ყოველდღიური დავალებების შესრულება ერთ სივრცეში შეეძლებათ.
გეგმის მიხედვით, ChatGPT-ში უფრო დიდი ადგილი დაეთმობა პროგრამირების ხელსაწყოებსა და ციფრულ ასისტენტებს, რომლებიც მომხმარებლის დავალებებს უფრო დამოუკიდებლად შეასრულებენ. ასევე იგეგმება კავშირების გაფართოება ისეთ სერვისებთან, როგორიცაა Canva და Booking.com. კომპანია ცდილობს, მეტი ბიზნესკლიენტი მოიზიდოს და კონკურენცია გაუწიოს Anthropic-ს, რომლის გავლენაც ბოლო პერიოდში გაიზარდა. Financial Times-ის მონაცემებით, ბიზნესკლიენტები OpenAI-ის შემოსავლების დაახლოებით 40 პროცენტს ქმნიან და წლის ბოლომდე ეს წილი შესაძლოა 50 პროცენტამდე გაიზარდოს.
ამ პროცესს დამატებით მნიშვნელობას აძლევს OpenAI-ის შესაძლო ბირჟაზე გასვლაც. კომპანია ცდილობს აჩვენოს, რომ ChatGPT მხოლოდ პოპულარული ჩატბოტი არ არის და მას უფრო ფართო კომერციული გამოყენება შეიძლება ჰქონდეს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
