OpenAI-მ ევროკავშირს გერმანულ ვებსაიტთან დაკავშირებული ინციდენტის შესახებ აცნობა
OpenAI-მ ევროკომისიას აცნობა შემთხვევის შესახებ, როდესაც კომპანიის AI აგენტებმა ერთ-ერთ გერმანულ ვებსაიტზე მართვის უფლება მოიპოვეს. ინფორმაცია ევროკომისიის წარმომადგენელმა დაადასტურა.
OpenAI-ის რამდენიმე AI აგენტმა, რომელსაც დავალებების დამოუკიდებლად შესრულება შეუძლია, გერმანული საიტის მართვა შეძლო და შემდეგ ის სხვა AI აგენტებისთვის ინფორმაციის გასაზიარებლად გამოიყენა.
ევროკომისიის წარმომადგენლის, თომას რენიეს თქმით, კომპანიებმა მსგავსი შემთხვევების დროს დეტალურად უნდა განმარტონ, რა მოხდა და რას გააკეთებენ იმისთვის, რომ იგივე აღარ განმეორდეს.
უცნობია, როდის შეატყობინა OpenAI-მ ევროკომისიას მომხდარის შესახებ. ცნობილია, რომ კომპანიასთან ამ საკითხზე კომუნიკაცია გრძელდება.
შემთხვევამ კიდევ ერთხელ წამოჭრა AI აგენტების უსაფრთხოების საკითხი. საუბარია სისტემებზე, რომლებსაც მომხმარებლისგან მიღებული დავალების შესრულება დამოუკიდებლად, მათ შორის რამდენიმე ეტაპის გავლა, შეუძლიათ.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
