OpenAI-მ სამუშაო პროცესებისთვის ChatGPT Work წარადგინა
OpenAI-მ ახალი პლატფორმა, ChatGPT Work, წარადგინა. კომპანიის განცხადებით, ChatGPT Work სამუშაო გარემოსთვის შექმნილი ციფრული ასისტენტია, რომელსაც რთული დავალებების დამოუკიდებლად შესრულება შეუძლია.
GPT-5.6 მოდელზე დაფუძნებული პლატფორმა სხვადასხვა აპლიკაციიდან, ფაილიდან და სამუშაო პროცესიდან საჭირო ინფორმაციას იღებს და მის საფუძველზე ამზადებს დოკუმენტებს, ცხრილებს, პრეზენტაციებს, ანგარიშებსა და ვებსაიტებს.
OpenAI-ისთვის ეს კიდევ ერთი ნაბიჯია იმ ბაზარზე პოზიციების გასამყარებლად, სადაც კომპანიას Anthropic-ის Claude Cowork უწევს კონკურენციას. OpenAI-მ კომპიუტერისთვის განკუთვნილი ახალი პროგრამაც გამოუშვა და ვებსაიტების განთავსების ფუნქცია დაამატა. მისი საშუალებით მომხმარებლებს ვებგვერდების შექმნა და პირდაპირ პლატფორმიდან გაზიარება შეუძლიათ.
ChatGPT Work უკვე ხელმისაწვდომია ვებსაიტსა და მობილურ აპლიკაციაში, უახლოეს დღეებში კი მისი გამოყენება უფრო მეტ მომხმარებელს შეეძლება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
