ოქროს ფასი მკვეთრად შემცირდა: მიზეზი ირანთან დაძაბულობა და ინფლაციის მოლოდინია

საერთაშორისო ბაზარზე ოქროს ფასი შემცირდა და ერთ უნციაზე 4 200 დოლარი შეადგინა. ფასის კლებას აშშ დოლარის გამყარება და საპროცენტო განაკვეთების შესაძლო ზრდის მოლოდინი განაპირობებს.

მნიშვნელოვანია ირანთან დაძაბულობის საკითხიც. ჰორმუზის სრუტესთან ამერიკული სამხედრო ვერტმფრენის ჩამოგდების შემდეგ ვაშინგტონმა ირანულ სამიზნეებზე საპასუხო დარტყმები განახორციელა. ამან ნავთობის ფასი გაზარდა და ინფლაციის მოლოდინიც გაამწვავა.

ეკონომისტები ვარაუდობენ, რომ მაისში წლიური ინფლაცია 4.2 პროცენტს მიაღწევს. ამ ფონზე ბაზრის მონაწილეთა დიდი ნაწილი ელოდება, რომ ფედერალური სარეზერვო სისტემა დეკემბრისთვის საპროცენტო განაკვეთს გაზრდის.

მაღალი განაკვეთები ოქროსთვის უარყოფითი ფაქტორია, რადგან ოქრო ინვესტორს პროცენტულ შემოსავალს არ აძლევს. ამიტომ, როცა სხვა აქტივებზე შემოსავალი იზრდება, ოქროს ფლობა ნაკლებად მიმზიდველი ხდება.

ოქროსთან ერთად გაიაფდა სხვა ძვირფასი ლითონებიც. ვერცხლის ფასი 1 პროცენტით შემცირდა, ხოლო პლატინა 3 პროცენტით გაიაფდა.

წყარო: Investing.com