პენტაგონი ვენესუელის ნავთობის პროექტში 35%-იან წილს მიიღებს

აშშ-ის თავდაცვის დეპარტამენტი ვენესუელის ნავთობის პროექტში 35%-იან წილს მიიღებს. საუბარია კომპანია North American Blue Energy Partners-ზე, რომელსაც ქვეყანაში 17 ნავთობის საბადოს ათვისება შეუძლია.

შეთანხმების მიხედვით, პენტაგონს მომავალში კომპანიის მიერ მოპოვებული ნავთობის 20%-ის თვითღირებულებით შეძენის უფლებაც ექნება.

აშშ-ის მთავრობა ვენესუელაში ნავთობის მოპოვების გაზრდას ცდილობს, თუმცა მსხვილი ამერიკული კომპანიები ქვეყანაში დიდი ინვესტიციების განხორციელებას ჯერ თავს არიდებენ. Exxon Mobil და ConocoPhillips ძირითად მიზეზებად სამართლებრივ რისკებს, უსაფრთხოების პრობლემებსა და ნავთობის სექტორის მძიმე მდგომარეობას ასახელებენ.

North American Blue Energy Partners ბოლო ორი წლის განმავლობაში ვენესუელაში Chevron-ის შემდეგ მეორე უმსხვილესი კერძო ნავთობმწარმოებელი გახდა.

ვენესუელა ამჟამად დღეში დაახლოებით 1.1 მილიონ ბარელ ნავთობს აწარმოებს. არსებული საბადოების სრულად ამუშავებას კი წლები შეიძლება დასჭირდეს.

წყარო: Investing.com