Porsche-მ Bugatti Rimac-ში წილი €1 მილიარდად გაყიდა

Porsche-მ Bugatti Rimac-სა და Rimac Group-ში კუთვნილი წილი გაყიდა. გარიგებიდან გერმანული ავტომწარმოებელი დაახლოებით €1 მილიარდს, ანუ $1.2 მილიარდს მიიღებს.

Porsche Bugatti Rimac-ის 45%-ს და Rimac Group-ის 20.6%-ს ფლობდა. გარიგების დასრულების შემდეგ Bugatti Rimac-ზე კონტროლს Rimac Group და მისი ახალი ინვესტორები გადაიბარებენ.

კომპანია გაყიდვას ძირითადი საავტომობილო ბიზნესზე ყურადღების გამახვილებით ხსნის.ბოლო პერიოდში კომპანიაზე გავლენა იქონია ჩინეთში მოთხოვნის შემცირებამ და ელექტრომობილებზე გადასვლის შენელებამ.

გარიგების შემდეგ Porsche-მ 2026 წლის პროგნოზიც გაზარდა. ავტომობილების ბიზნესში წმინდა ფულადი ნაკადის მარჟას კომპანია ახლა 5.5%-დან 7.5%-მდე ელოდება, მაშინ როცა წინა პროგნოზი 3%-დან 5%-მდე იყო.

წყარო: Reuters