Prudential-ი ბრაზილიისა და მექსიკის ბიზნესებს $4.03 მილიარდად ყიდის

ამერიკული სადაზღვევო კომპანია Prudential Financial ბრაზილიასა და მექსიკაში არსებულ ბიზნესებს ფრანგულ CNP Assurances-ს 4.03 მილიარდ დოლარად მიჰყიდის.

Prudential-მა მანამდე ინდონეზიაში, სამხრეთ აფრიკასა და კენიაში არსებული ბიზნესებიც გაყიდა. კომპანიის ხელმძღვანელ ენდი სალივანის თქმით, Prudential-ს სურს, იმ ქვეყნების რაოდენობა, სადაც საქმიანობს, გაანახევროს.

გაყიდვიდან მიღებული თანხა კომპანიას აშშ-ში, იაპონიასა და ევროპის რამდენიმე ქვეყანაში ბიზნესის გაფართოებისთვის გამოადგება. მთავარი მიმართულებები საპენსიო პროდუქტები, აქტივების მართვა და დაზღვევა იქნება.

2026 წლის შუა პერიოდისთვის Prudential დაახლოებით 1.6 ტრილიონი დოლარის აქტივებს მართავდა. CNP Assurances კი ამ გარიგებით ბრაზილიასა და მექსიკაში საქმიანობას გააფართოებს.

გარიგება 2027 წლის მეორე ნახევარში უნდა დასრულდეს. Prudential-ის ფინანსური მრჩეველი Morgan Stanley-ა, CNP Assurances-ის კი Goldman Sachs.

წყარო: Reuters