Ramp-მა ინვესტორებისგან $1.85 მილიარდი მიიღო, კომპანიის ღირებულებამ $60 მილიარდს მიაღწია

ფინანსური ტექნოლოგიების კომპანია Ramp-მა ინვესტორებისგან 1.85 მილიარდი დოლარის დაფინანსება მიიღო. ამის შემდეგ კომპანიის ღირებულებამ 60 მილიარდ დოლარს მიაღწია. საინვესტიციო რაუნდს Dragoneer Investment Group ხელმძღვანელობდა, მასში კი Thrive Capital, Founders Fund, Fidelity, T. Rowe Price, GIC და Coatue მონაწილეობდნენ.

Ramp-ის ღირებულება ბოლო ოთხ თვეში მნიშვნელოვნად გაიზარდა. ივნისში, როცა კომპანიამ 750 მილიონი დოლარი მიიღო, მისი ღირებულება 44 მილიარდ დოლარს შეადგენდა. 2019 წელს შექმნილი Ramp კომპანიებს კორპორაციულ ბარათებსა და ხარჯების მართვის პროგრამებს სთავაზობს. მის მომსახურებას 85 ათასზე მეტი ბიზნესი იყენებს, რომლებიც წელიწადში ჯამურად 275 მილიარდ დოლარზე მეტს ხარჯავენ. ერთი წლის განმავლობაში ეს მაჩვენებელი 175%-ით გაიზარდა.

მიმდინარე ტემპით, Ramp-ის წლიური შემოსავალი 2 მილიარდ დოლარს გადააჭარბებს. კომპანია ახალ პროდუქტებსაც ავითარებს, რომლებიც ბიზნესებს ხელოვნურ ინტელექტთან დაკავშირებული ხარჯების კონტროლში ეხმარება.

წყარო: Yahoo Finance