რატომ არ გადასცდა ნავთობის ფასი $100-ს?

ახლო აღმოსავლეთიდან ნავთობის ექსპორტი მნიშვნელოვნად შემცირდა, თუმცა Brent-ის ფასი ჯერ კიდევ $100-ზე დაბალია. ბაზარზე დეფიციტის ნაწილს სხვა ქვეყნებიდან გაზრდილი მიწოდება და ჩინეთის დიდი მარაგები აბალანსებს.

ირანის ომის დაწყებამდე ახლო აღმოსავლეთის ქვეყნებიდან დღეში დაახლოებით 18 მილიონი ბარელი ნავთობი გადიოდა, ახლა კი ეს მაჩვენებელი დაახლოებით 11 მილიონ ბარელამდეა შემცირებული. ჰორმუზის სრუტეში მოძრაობაც შეფერხებულია. მიუხედავად ამისა, აშშ, კანადა და გაიანა წარმოებას ზრდიან. ჩინეთს კი დაახლოებით 1.17 მილიარდი ბარელის მარაგი აქვს და ბოლო თვეებში საზღვაო გზით ნავთობის შესყიდვაც შეამცირა.

ბაზარზე ვითარება მაინც დაძაბულია. რამდენიმე ბანკმა ნავთობის ფასის პროგნოზი უკვე გაზარდა. Morgan Stanley მეოთხე კვარტალში Brent-ის საშუალო ფასს $100-ზე ელოდება. Goldman Sachs-მა დეკემბრის პროგნოზიც გაზარდა და ვარაუდობს, რომ ახლო აღმოსავლეთში გადაზიდვებთან დაკავშირებული პრობლემები 2027 წელსაც გაგრძელდება.

წყარო: Reuters