Robinhood Crypto.com-ის პარტნიორი გახდა

Robinhood-ი Crypto.com-თან თანამშრომლობას იწყებს. კომპანია Crypto.com-სა და მის ყოფილ შვილობილ OG.com-ში წილსაც შეიძენს. გარიგების ღირებულება არ გასაჯაროებულა.

შეთანხმების ფარგლებში Robinhood-ის მომხმარებლებისთვის OG.com-ის კონტრაქტები გახდება ხელმისაწვდომი. თავდაპირველად საუბარია ამერიკულ ფეხბურთთან დაკავშირებულ კონტრაქტებზე. პროგნოზების ბაზარზე მომხმარებლებს შეუძლიათ ფსონი სხვადასხვა მოვლენის შედეგზე დადონ, მაგალითად, არჩევნების, სპორტული შეჯიბრებისა და ეკონომიკური მოვლენების შედეგებზე.

ეს მიმართულება Robinhood-ისთვის უკვე შემოსავლის მნიშვნელოვან წყაროდ იქცა. მეორე კვარტალში პროგნოზების ბაზრიდან მიღებულმა შემოსავალმა რეკორდულ $156 მილიონს მიაღწია, რაც წინა წლის მაჩვენებელს ათჯერ აღემატება. ვაჭრობის მოცულობაც ათჯერ გაიზარდა და 13.6 მილიარდ კონტრაქტს მიაღწია.

Robinhood ნოემბრის შუალედური არჩევნებისთვის პოლიტიკურ კონტრაქტებსაც ამატებს. Crypto.com კი ბირჟაზე გასვლას განიხილავს, თუმცა IPO-ს თარიღი ჯერ განსაზღვრული არ აქვს.

წყარო: Yahoo Finance