რუსეთი ბიტკოინით, Ethereum-ითა და USDT-ით ვაჭრობას დაუშვებს
რუსეთის ცენტრალურმა ბანკმა წარადგინა ახალი წესი, რომელიც რიგით ინვესტორებს კრიპტოვალუტის შეძენის საშუალებას მისცემს, თუმცა მათთვის წლიური ზღვარი დაწესდება.
პროექტის მიხედვით, არაკვალიფიციურ ინვესტორებს ბიტკოინის, Ethereum-ისა და USDT-ის ყიდვა შეეძლებათ. თითოეული ბროკერის, კრიპტობირჟის ან მმართველი კომპანიის მეშვეობით წლიური ლიმიტი 300 000 რუბლი იქნება.
რიგითი ინვესტორებისთვის თავდაპირველად მხოლოდ სამი კრიპტოვალუტა იქნება ხელმისაწვდომი: Bitcoin, Ethereum და USDT. ცენტრალური ბანკის განმარტებით, ისინი ბაზარზე ყველაზე ლიკვიდურ კრიპტოაქტივებს შორისაა და ვაჭრობის ხანგრძლივი ისტორიაც აქვთ. XRP სიაში არ მოხვდა, თუმცა ამის მიზეზი ბანკს არ დაუსახელებია.
კვალიფიციურ ინვესტორებზე ეს შეზღუდვა არ გავრცელდება და მათ სხვა კრიპტოვალუტებით ვაჭრობაც შეეძლებათ, თუმცა გარიგების განხორციელებამდე ყველა ინვესტორს სპეციალური ტესტის გავლა მოუწევს.
რუსეთის ცენტრალური ბანკი პროექტზე მოსაზრებებს 24 აგვისტომდე მიიღებს. ახალი წესები ოფიციალური გამოქვეყნებიდან 10 დღეში ამოქმედდება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
