რუსეთმა კრიპტოვალუტის ბაზრის რეგულირების ახალი კანონი მიიღო

რუსეთში ხელისუფლებამ მიიღო კანონი „ციფრული ვალუტისა და ციფრული უფლებების შესახებ“, რომელიც ბიტკოინისა და სხვა კრიპტოვალუტების ბაზრისთვის სამართლებრივ ჩარჩოს ადგენს.

ახალი კანონი არეგულირებს კრიპტოვალუტების შენახვას, ბირჟების საქმიანობასა და ციფრული აქტივების გამოყენებით განხორციელებულ საერთაშორისო ოპერაციებს. ბაზრის მთავარი მარეგულირებელი რუსეთის ცენტრალური ბანკი იქნება, ხოლო ბირჟებს, ბროკერებსა და კრიპტოაქტივების შემნახველ კომპანიებს საქმიანობის გასაგრძელებლად ლიცენზიის მიღება მოუწევთ.

რუსეთის ფინანსთა სამინისტროს შეფასებით, ქვეყანაში კრიპტოვალუტით ვაჭრობის დღიური ბრუნვა დაახლოებით 640 მილიონ დოლარს აღწევს. ახალი კანონის მიზანი ამ ბაზრის სახელმწიფო კონტროლის ქვეშ მოქცევა და მისი ლეგალურ სისტემაში გადაყვანაა.

კანონი შეზღუდვებს აწესებს კერძო ინვესტორებისთვისაც. არაკვალიფიციურ მომხმარებლებს წელიწადში მაქსიმუმ 300 000 რუბლის (დაახლოებით 3 820 დოლარის) ღირებულების კრიპტოვალუტის შეძენა შეეძლებათ. კვალიფიციური ინვესტორებისთვის კი განსხვავებული წესები იმოქმედებს. ამასთან, კრიპტოვალუტა რუსეთში აღარ იქნება გადახდის ოფიციალური საშუალება. კანონპროექტი უკვე პრეზიდენტს გადაეგზავნა ხელმოსაწერად.

წყარო: Yahoo Finance