რუსული დიზელის დამატებითი გაყიდვები ფასებს მნიშვნელოვნად ვერ შეამცირებს

აშშ-სა და რუსეთს შორის დიზელზე მიღწეული შეთანხმება ბაზარზე არსებულ დეფიციტს სწრაფად ვერ მოაგვარებს. ანალიტიკოსების შეფასებით, დაგეგმილი მოცულობა ფასების მნიშვნელოვნად შესამცირებლად საკმარისი არ იქნება. ამასთან, რუსეთის ნავთობგადამამუშავებელ ქარხნებში არსებული პრობლემები ქვეყანას ექსპორტის სწრაფად გაზრდის საშუალებას არ აძლევს.

დონალდ ტრამპის განცხადებით, პირველ ეტაპზე რუსეთი 300 ათას ტონა დიზელს გაყიდის. ნოემბერში ამას 500 ათასი ტონა უნდა დაემატოს, მოგვიანებით კი კიდევ ერთი მილიონი ტონა.

თუ პირველი 300 ათასი ტონა ერთ თვეზე გადანაწილდება, დღიური მოცულობა დაახლოებით 73 ათასი ბარელი იქნება. Kpler-ის შეფასებით, ფასების შესამჩნევად შესამცირებლად დღეში დაახლოებით 400 ათასი ბარელით მეტი დიზელია საჭირო.

რუსეთს გაყიდვების სწრაფად გაზრდაც უჭირს. რამდენიმე ნავთობგადამამუშავებელი ქარხანა სრულად ვერ მუშაობს, შავ ზღვაში არსებული საფრთხეების გამო კი ტრანსპორტირება გაძვირდა. ამასთან, შიდა ბაზრის მოთხოვნის დაკმაყოფილების შემდეგ საექსპორტოდ შედარებით მცირე რაოდენობა რჩება.

რუსეთიდან და ახლო აღმოსავლეთიდან მიწოდების შემცირებამ სექტემბერში დღეში 1.3 მილიონ ბარელს მიაღწია. საერთაშორისო ენერგეტიკული სააგენტო არ გამორიცხავს, რომ დეფიციტი 2027 წლამდეც გაგრძელდეს.

წყარო: Reuters