სამხრეთ კორეა Samsung-ში გაფიცვის თავიდან აცილებას ცდილობს

სამხრეთ კორეის ხელისუფლება აცხადებს, რომ Samsung Electronics-ში შესაძლო გაფიცვის თავიდან ასაცილებლად ყველა შესაძლო მექანიზმს გამოიყენებს. მთავრობა მიიჩნევს, რომ კომპანიის მუშაობის შეჩერებამ შესაძლოა ქვეყნის ეკონომიკაზე მნიშვნელოვანი გავლენა იქონიოს. სამხრეთ კორეის პრემიერ-მინისტრის განცხადებით, კომპანიის ნახევარგამტარების ქარხნის მუშაობის მხოლოდ ერთდღიან შეჩერებასაც კი შეიძლება ასობით მილიონი დოლარის ზარალი მოჰყვეს. მისი თქმით, კიდევ უფრო დიდი რისკი ის არის, რომ საწარმოო ხაზების დროებით გაჩერებამ შესაძლოა წარმოების აღდგენა თვეებით შეაფერხოს. მთავრობა არ გამორიცხავს საგანგებო არბიტრაჟის გამოყენებასაც. ეს მექანიზმი შრომის მინისტრს საშუალებას აძლევს, გაფიცვა დროებით შეაჩეროს, თუ დავა ეკონომიკისთვის ან ყოველდღიური ცხოვრებისათვის სერიოზულ საფრთხედ მიიჩნევა. მსგავსი გადაწყვეტილება სამხრეთ კორეაში იშვიათად გამოიყენება.

პროფკავშირში აცხადებენ, რომ ზეწოლის მიუხედავად პოზიციის შეცვლას არ აპირებენ და იმ შემთხვევაში, თუ კომპანიის შეთავაზება არასაკმარისი იქნება, შეთანხმებას არ დათანხმდებიან.

Samsung სამხრეთ კორეის ეკონომიკაში ერთ-ერთ ყველაზე მნიშვნელოვან როლს ასრულებს. კომპანიის წილი ქვეყნის ექსპორტში თითქმის 23 პროცენტს შეადგენს, ხოლო ადგილობრივ საფონდო ბაზარზე დაახლოებით მეოთხედს აკონტროლებს. კომპანიაში 120 000-ზე მეტი ადამიანია დასაქმებული და ის დაახლოებით 1 700 მომწოდებელთან თანამშრომლობს.

წყარო: Investing.com