სმარტფონების გლობალური მიწოდება 14 წლის ყველაზე დაბალ დონეზეა

ივლისიდან სექტემბრამდე სავაჭრო ქსელებმა მწარმოებლებისგან წინა წლის იმავე პერიოდთან შედარებით 20%-ით ნაკლები სმარტფონი მიიღეს.

Counterpoint Research-ის წინასწარი მონაცემებით, წლის ამ მონაკვეთში ასეთი დაბალი მაჩვენებელი ბოლოს 2012 წელს იყო.

შემცირების მთავარი მიზეზი მეხსიერების ჩიპების გაძვირება და დეფიციტია. ხელოვნური ინტელექტისთვის საჭირო მონაცემთა ცენტრების სწრაფმა ზრდამ ჩიპებზე მოთხოვნა გაზარდა, სმარტფონების წარმოება კი გააძვირა.

ამის გამო კომპანიებმა ფასები გაზარდეს, ნაკლები მოდელის გამოშვება დაიწყეს და ყურადღება უფრო ძვირ მოწყობილობებზე გადაიტანეს.

Samsung-მა 23%-იანი წილით პირველი ადგილი შეინარჩუნა, თუმცა მის შემთხვევაშიც სმარტფონების რაოდენობა 3%-ით შემცირდა. Apple-ის წილი 22%-მდე გაიზარდა და წლის მესამე კვარტალში პირველად გადააჭარბა 20%-ს, მიუხედავად იმისა, რომ კომპანიამაც ნაკლები მოწყობილობა გამოუშვა ბაზარზე.

Counterpoint-ის შეფასებით, წლის დარჩენილ პერიოდშიც კომპანიები უფრო ძვირ მოდელებზე გააკეთებენ აქცენტს, ხოლო იაფი სმარტფონების არჩევანი კიდევ უფრო შემცირდება.

წყარო: Investing.com