S&P 500 ისტორიულად მაღალ ნიშნულზეა
S&P 500-ის ინდექსი ისტორიულად მაღალ ნიშნულზეა, რაც ბაზრის შესაძლო ვარდნასთან დაკავშირებით კითხვებს აჩენს. უორენ ბაფეტის შეფასებით, აქციების ფასები დღეს დიდწილად მომავალ მოლოდინებს ეფუძნება და არა კომპანიების რეალურ შედეგებს.
ბოლო პერიოდში ბაფეტის კომპანია Berkshire Hathaway აქციების აქტიურ შეძენას აღარ ჩქარობს. კომპანიამ Apple-სა და სხვა მსხვილ ბიზნესებში წილები შეამცირა და ნაღდი ფულის რეკორდული მარაგი დააგროვა. ეს მიანიშნებს, რომ ბაფეტი ბაზარზე უფრო ხელსაყრელ ფასებს ელოდება.
აქციების სიძვირეზე CAPE კოეფიციენტიც მიუთითებს. ამჟამად ის დაახლოებით 41-ს შეადგენს, მაშინ როცა ისტორიული საშუალო 17.8-ია. მსგავსი მაჩვენებელი ბოლოს 1990-იანი წლების ბოლოს დაფიქსირდა, რასაც მოგვიანებით ბაზრის ხანგრძლივი ვარდნა მოჰყვა.
ასეთ პირობებში ინვესტორებისთვის მნიშვნელოვანია ემოციური გადაწყვეტილებებისგან თავის შეკავება, თანხის ეტაპობრივად დაბანდება და ფინანსურად ძლიერი კომპანიების შერჩევა.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
