SpaceX და Tesla გაერთიანებას განიხილავენ

ილონ მასკმა SpaceX-ისა და Tesla-ს შესაძლო გაერთიანება დადებითად შეაფასა. ორივე კომპანიამ გარიგების შესაძლო პირობების შესასწავლად სპეციალური კომიტეტები შექმნა, თუმცა თავად მასკი მათ მუშაობაში არ მონაწილეობს. საბოლოო შეთანხმება ჯერ არ მიღწეულა.

SpaceX-ისა და Tesla-ს საერთო საბაზრო ღირებულება დაახლოებით 3.5 ტრილიონ დოლარს შეადგენს. გაერთიანების შემთხვევაში ერთ კომპანიაში მოიყრიდა თავს ელექტრომობილების, რობოტექნიკის, ხელოვნური ინტელექტის, თანამგზავრებისა და კოსმოსური პროგრამების ბიზნესი. ეს კომპანიებს ხარჯების შემცირებისა და საერთო პროექტების დაფინანსების მეტ შესაძლებლობას მისცემდა.

შესაძლო გარიგებას რამდენიმე სირთულეც ახლავს. SpaceX აშშ-ის თავდაცვის სექტორის მნიშვნელოვანი კონტრაქტორია, Tesla კი ჩინეთში ფართო საწარმოო საქმიანობას ეწევა, ამიტომ მარეგულირებლებმა შესაძლოა განსაკუთრებული ყურადღება მიაქციონ მონაცემების გაზიარებასა და კომპანიების მართვის საკითხებს. გაერთიანებისთვის ორივე კომპანიის აქციონერების თანხმობაც იქნება საჭირო.

წყარო: Reuters