SpaceX Nvidia-ს ჩიპებისთვის $40-მილიარდიან დაფინანსებას ეძებს
SpaceX ბანკებსა და საინვესტიციო კომპანიებთან დაახლოებით 40 მილიარდი დოლარის დაფინანსებაზე მოლაპარაკებებს აწარმოებს. თანხა Nvidia-ს ხელოვნური ინტელექტის ჩიპების შესაძენადაა საჭირო.
გეგმის მიხედვით, დაახლოებით 10 მილიარდი დოლარი საბანკო სესხებით უნდა მოიზიდონ, დარჩენილი 30 მილიარდი კი ობლიგაციების გამოშვებით. მოლაპარაკებებში PIMCO-ც მონაწილეობს, დაფინანსების ორგანიზებაში კი მთავარი როლი, გავრცელებული ინფორმაციით, Apollo-ს ექნება.
SpaceX საკუთარ მონაცემთა ცენტრებში Nvidia-ს ჩიპების გამოყენებას გეგმავს. ილონ მასკის კიდევ ერთი კომპანია, xAI, ასევე სწრაფად ზრდის ჩიპების რაოდენობას, რათა Colossus-ის მონაცემთა ცენტრებში ხელოვნური ინტელექტის სისტემებისთვის მეტი გამოთვლითი სიმძლავრე ჰქონდეს.
მსგავს პროექტებს სულ უფრო მეტი დაფინანსება სჭირდება. Morgan Stanley-ის შეფასებით, ხელოვნურ ინტელექტთან დაკავშირებულ მონაცემთა ცენტრებსა და ტექნოლოგიებში კომპანიებს 2028 წლამდე დამატებით დაახლოებით 1.5 ტრილიონი დოლარის მოზიდვა მოუწევთ.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
