SpaceXAI-მ ბიზნესისთვის ახალი ხელოვნური ინტელექტის ასისტენტი Grok Bot წარადგინა

SpaceXAI-მ ახალი ხელსაწყო Grok Bot წარადგინა, რომელსაც სხვადასხვა სამუშაო დავალების დამოუკიდებლად შესრულება შეუძლია. პროგრამა რამდენიმე აპლიკაციასა და ვებგვერდზე ერთდროულად მუშაობს და მომხმარებელს მხოლოდ მაშინ მიმართავს, როცა მისი თანხმობა სჭირდება.

Grok Bot-ს მომხმარებელი დავალებას წერილობით აძლევს, სისტემა კი სამუშაოს თავად აგრძელებს. პროგრამა წინა საუბრებსაც იმახსოვრებს და დროთა განმავლობაში მომხმარებლის ჩვევებს ერგება.

SpaceXAI-მ Grok Bot თავდაპირველად საკუთარი თანამშრომლებისთვის შექმნა. კომპანიაში მას გაყიდვებთან დაკავშირებული სამუშაოსთვის, მარკეტინგული კამპანიების მართვისთვის, საოფისე პროცესებისა და პროგრამული შეცდომების გამოსასწორებლად იყენებდნენ.

ერთდროულად რამდენიმე Grok Bot-ის გამოყენებაც არის შესაძლებელი. მათ ერთმანეთთან ინფორმაციის გაცვლა და საერთო დავალებაზე მუშაობა მომხმარებლის ჩარევის გარეშეც შეუძლიათ. სისტემა ასევე აკვირდება, როგორ ასრულებს მომხმარებელი კონკრეტულ სამუშაოს, შემდეგ კი იმავე პროცესის დამოუკიდებლად გამეორება შეუძლია.

Grok Bot ამ ეტაპზე საცდელ რეჟიმშია და SuperGrok Heavy-ის, Cursor Ultra-სა და Cursor Teams Premium-ის მომხმარებლებისთვის ხელმისაწვდომია კომპიუტერსა და iOS-ზე.

წყარო: Investing.com