Starbucks იაპონიაში ბიზნესის წილის გაყიდვას განიხილავს

Starbucks იაპონიაში საკუთარი ბიზნესის წილის გაყიდვას განიხილავს. გავრცელებული ინფორმაციით, კომპანია საინვესტიციო ბანკებთან ერთად რამდენიმე ვარიანტზე მუშაობს, მათ შორის ბიზნესში წილის გაყიდვასა და აქციების საჯარო შეთავაზებაზე.

ექსპერტთა შეფასებით, Starbucks-ის იაპონური ოპერაციების ღირებულება 400-დან 500 მილიარდ იენამდე, ანუ დაახლოებით 2.5-3 მილიარდ დოლარამდეა. ანალიტიკოსები ვარაუდობენ, რომ ამ აქტივის მიმართ ინტერესი როგორც სტრატეგიულ მყიდველებს, ისე საინვესტიციო ფონდებს ექნებათ.

იაპონია Starbucks-ის ერთ-ერთი ყველაზე მნიშვნელოვანი საერთაშორისო ბაზარია. კომპანია ქვეყანაში დაახლოებით 2,100 ფილიალს ფლობს და წლების განმავლობაში სტაბილურად იზრდებოდა. მსგავსი სტრატეგიული ცვლილება „სტარბაქსმა“ აპრილში ჩინეთის ბაზარზეც განახორციელა, როდესაც იქ საკუთარი ოპერაციების 60%-იანი წილი გაყიდა. ამ ეტაპზე საკითხის განხილვა საწყის ფაზაშია და კომპანიას საბოლოო გადაწყვეტილება ჯერ არ მიუღია.

წყარო: Investing.com