Starbucks-მა Chipotle-ის შეძენა განიხილა

Starbucks ბოლო თვეებში Chipotle Mexican Grill-ის შეძენაზე მრჩევლებთან მუშაობდა, თუმცა, უცნობია, წარუდგინა თუ არა Starbucks-მა Chipotle-ს ოფიციალური წინადადება. კომპანიებს ინფორმაცია არ დაუდასტურებიათ.

Chipotle-ის საბაზრო ღირებულება დაახლოებით $39 მილიარდია, Starbucks-ის კი $107 მილიარდს უახლოვდება. გარიგება რესტორნების ინდუსტრიაში ერთ-ერთი ყველაზე მსხვილი იქნებოდა. ამასთან, Starbucks-ის ხელმძღვანელი ბრაიან ნიკოლი კვლავ იმ კომპანიასთან აღმოჩნდებოდა დაკავშირებული, რომელსაც წლების განმავლობაში თავად მართავდა. ნიკოლი Chipotle-ს ექვს წელზე მეტხანს ხელმძღვანელობდა, ხოლო Starbucks-ში ორი წლის წინ გადავიდა.

Chipotle-ის შეძენა Starbucks-ს ძვირი დაუჯდება. კომპანია ისედაც ცვლილებების პროცესშია და მომსახურების გასაუმჯობესებლად მინიმუმ 500 მილიონ დოლარს ხარჯავს. გაყიდვები უკვე ოთხი კვარტალია იზრდება, თუმცა მოგება ჯერ სასურველ დონეზე არ დაბრუნებულა. ანალიტიკოსების შეფასებით, Chipotle-ის შესაძენად Starbucks-ს ან დიდი სესხის აღება, ან ახალი აქციების გამოშვება მოუწევს.

წყარო: Yahoo Finance