ტანზანიაში $42-მილიარდიანი LNG პროექტის მოლაპარაკებები დასასრულს უახლოვდება

ტანზანიის მთავრობა 42 მილიარდი დოლარის ღირებულების LNG პროექტზე შეთანხმების მიღწევას უახლოეს თვეებში ელოდება. პროექტს Equinor და Shell ხელმძღვანელობენ, მათთან ერთად კი ExxonMobil, Pavilion Energy, Medco Energi და სახელმწიფო Tanzania Petroleum Development Corporation მონაწილეობენ.

პროექტის ფარგლებში ტანზანიის ბუნებრივი გაზის დიდი მარაგების მოპოვება და გადამუშავება იგეგმება. წარმოებული LNG-ის უმეტესობა ექსპორტზე გავა, ნაწილი კი ადგილობრივ ბაზარზე დარჩება. მთავრობას სურს, პროექტმა აღმოსავლეთ აფრიკის ენერგეტიკულ ბაზარზე ქვეყნის როლი გააძლიეროს.

ფინანსთა მინისტრ ხამის მუსა ომარის განცხადებით, ტანზანია 2030 წლისთვის ელექტროენერგიის წარმოების სიმძლავრის თითქმის გაორმაგებას და 8,000 მეგავატამდე გაზრდას გეგმავს. ამ დროისთვის ელექტროენერგიის დაახლოებით 75% ჰიდრო, მზის, ქარისა და ბუნებრივი გაზის სადგურებმა უნდა გამოიმუშაონ.

მთავრობა ასევე ასრულებს მოლაპარაკებებს კრიტიკული მინერალების მოპოვებასთან დაკავშირებულ ორ პროექტზე.

წყარო : Reuters