ტრამპი კანადურ ავტომობილებზე ტარიფის 50%-მდე გაზრდით იმუქრება
აშშ-ის პრეზიდენტი დონალდ ტრამპი კანადიდან იმპორტირებულ ავტომობილებზე, სატვირთო მანქანებსა და ავტონაწილებზე ტარიფის 50%-მდე გაზრდით იმუქრება. ახალი ტარიფი, გადაწყვეტილების მიღების შემთხვევაში, 2027 წლის 1-ლი იანვრიდან ამოქმედდება.
აშშ-სა და კანადას შორის მოლაპარაკებები გასულ კვირას უშედეგოდ დასრულდა. მხარეები განიხილავდნენ კანადურ ავტომობილებსა და მსუბუქ სატვირთოებზე ტარიფის 25%-დან 15%-მდე, ფოლადსა და ალუმინზე კი 50%-დან 25%-მდე შემცირებას, თუმცა შეთანხმება ვერ შედგა.
ტრამპის განცხადებას ავტომწარმოებლების აქციების გაიაფება მოჰყვა. Ford-ის აქციების ფასი დაახლოებით 3.6%-ით შემცირდა, Stellantis-ის 4.2%-ით, General Motors-ის კი 1.6%-ით. Toyota-ს აქციები 1.5%-ით, Honda-ს კი 2.1%-ით გაიაფდა.
აშშ-ის საავტომობილო ინდუსტრია მნიშვნელოვნად არის დამოკიდებული კანადაში წარმოებულ ავტომობილებსა და ნაწილებზე. კანადის ავტონაწილების მწარმოებელთა ასოციაციის განცხადებით, მაღალი ტარიფები ხარჯებს ამერიკულ ქარხნებსაც გაუზრდის, რადგან კანადური ნაწილების გარეშე აშშ-ში ავტომობილების წარმოება შეფერხდება.
კანადა, თავის მხრივ, 8 სექტემბრიდან ამერიკული საქონლის ნაწილზე საპასუხო ტარიფების დაწესებას გეგმავს. პრემიერ-მინისტრ მარკ კარნის განცხადებით, აშშ-სთან შეთანხმება შესაძლებელია, თუ მოლაპარაკებები კანადის სუვერენიტეტის პატივისცემით წარიმართება.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
