ტრამპი რუსეთის წინააღმდეგ ახალ სანქციებზე გადაწყვეტილებას 60 დღეში მიიღებს
ტრამპმა Graham Act-ით გათვალისწინებული სანქციებისა და ტარიფების ამოქმედება დროებით შეაჩერა. მომდევნო 60 დღის განმავლობაში აშშ-ის ადმინისტრაცია შეისწავლის, რა შედეგი შეიძლება მოჰყვეს ამ ზომებს ეკონომიკისთვის, რის შემდეგაც პრეზიდენტი გადაწყვეტს, შევა თუ არა ისინი ძალაში.
კანონი რუსულ საქონელზე დამატებით ტარიფებს და იმ ქვეყნების წინააღმდეგ ზომებს ითვალისწინებს, რომლებიც რუსულ ნავთობსა და გაზს ყიდულობენ. შეზღუდვები მომდევნო კვირაში უნდა ამოქმედებულიყო. სახელმწიფო მდივან მარკო რუბიოს თქმით, ერთ-ერთი ყველაზე რთული შემთხვევა ინდოეთია, რადგან ქვეყანა ერთდროულად აშშ-ის მნიშვნელოვანი პარტნიორი და რუსული ნავთობის მსხვილი მყიდველია.
გადაწყვეტილება ენერგიის მაღალი ფასებისა და ირანთან ომის შედეგად ნავთობპროდუქტების მიწოდების შეფერხების ფონზე მიიღეს. ამავე დროს, აშშ და რუსეთი დიზელის მიწოდების გაზრდაზეც შეთანხმდნენ. პირველ ეტაპზე აშშ 300 ათას ტონაზე მეტ რუსულ დიზელს მიიღებს.
რუსეთის წინააღმდეგ ახალი ზომების გადადებას უკრაინისა და ამერიკელი კანონმდებლების ნაწილის კრიტიკა მოჰყვა.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
