ტრამპმა ალუმინის იმპორტზე ტარიფების ცვლილებას მოაწერა ხელი
აშშ-ის პრეზიდენტმა დონალდ ტრამპმა ალუმინის იმპორტზე მოქმედი ტარიფების შეცვლის შესახებ განკარგულებას მოაწერა ხელი. მისი თქმით, გადაწყვეტილების მიზანი ქვეყანაში ალუმინის წარმოების გაზრდაა, რადგან ამჟამად ადგილობრივი წარმოება მოთხოვნას სრულად ვერ აკმაყოფილებს.
თეთრი სახლის ინფორმაციით, ახალი ინიციატივის ფარგლებში აშშ-ის ვაჭრობის სამინისტრო წახალისების პროგრამას შექმნის იმ კომპანიებისთვის, რომლებიც ქვეყანაში ალუმინის საწარმოების აშენებას, გაფართოებას ან მოდერნიზებას გეგმავენ.
დამტკიცებული პროექტების მქონე კომპანიები ალუმინს შემცირებული ტარიფით შემოიტანენ. მათთვის მოქმედი ტარიფი Section 232-ის ფარგლებში დაწესებული განაკვეთის ნახევარი იქნება.
ტრამპის განცხადებით, ალუმინი აშშ-ის ეკონომიკისა და თავდაცვის ინდუსტრიისთვის სტრატეგიულად მნიშვნელოვანი რესურსია. მისი თქმით, ქვეყანაში პირველადი ალუმინის წარმოება არსებული მოთხოვნის დასაკმაყოფილებლად საკმარისი არ არის.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
