Verizon-მა Google-თან $1 მილიარდზე მეტი ღირებულების შეთანხმება გააფორმა
Verizon-ის აღმასრულებელმა დირექტორმა, დენ შულმანმა, განაცხადა, რომ კომპანიამ Google-თან 1 მილიარდ დოლარზე მეტი ღირებულების შეთანხმება გააფორმა.
მისი თქმით, Verizon Google-ის მონაცემთა ცენტრებს dark fiber-ის (გამოუყენებელი ოპტიკურ-ბოჭკოვანი ქსელის) კავშირით უზრუნველყოფს. ასეთი ინფრასტრუქტურა კომპანიებს საშუალებას აძლევს, მაღალი გამტარუნარიანობისა და დაბალი დაყოვნების ქსელები საკუთარი საჭიროებების შესაბამისად მართონ.
შულმანმა განცხადება Verizon-ის კვარტალური ფინანსური შედეგების განხილვისას გააკეთა.
მისივე თქმით, კომპანია წლის ბოლომდე კიდევ რამდენიმე მნიშვნელოვან კონტრაქტს ელოდება, რომელთა ჯამური ღირებულება რამდენიმე მილიარდ დოლარს მიაღწევს და Verizon-ს მომდევნო წლებში მრავალმილიარდიან შემოსავალს მოუტანს.
ეს შეთანხმებები ასახავს მზარდ მოთხოვნას მონაცემთა ცენტრების ქსელურ ინფრასტრუქტურაზე, რაც ხელოვნური ინტელექტისა და ღრუბლოვანი ტექნოლოგიების სწრაფ განვითარებას უკავშირდება.
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
