Visa ბანკებსა და ფინანსურ კომპანიებს ახალ ციფრულ პლატფორმას სთავაზობს
Visa-მ ახალი პლატფორმა წარადგინა, რომელიც ბანკებსა და ფინანსურ კომპანიებს სტეიბლკოინების გამოყენებას გაუმარტივებს.
Visa Stablecoin Platform, ანუ VSP, ერთ სივრცეში გააერთიანებს ციფრული მონეტების გამოშვებას, შენახვასა და გადარიცხვას. პირველ ეტაპზე სისტემა Open USD-ს მოემსახურება.
პლატფორმის დახმარებით კომპანიებს შესაძლებლობა ექნებათ, ციფრული საფულეები შექმნან და გამოიყენონ გადახდების, ანგარიშსწორებისა და თანხების სამართავად.
Visa-ს წარმომადგენლის, ჯეკ ფორესტელის განცხადებით, კომპანიის მიზანია, კლიენტებს სტეიბლკოინებთან მუშაობის უსაფრთხო და მარტივი გზა შესთავაზოს.
სისტემაში ჩაშენებულია თაღლითობისა და საეჭვო ოპერაციების გამოსავლენი მექანიზმებიც. ბანკებს შესაძლებლობა ექნებათ, საკუთარი ანგარიშები ციფრულ საფულეებს დაუკავშირონ და თავად განსაზღვრონ, რომელი ოპერაციები იქნება დაშვებული.
ამჟამად პლატფორმა სატესტო რეჟიმში მუშაობს და მხოლოდ რამდენიმე კლიენტისთვისაა ხელმისაწვდომი. ფართო მომხმარებლისთვის მისი გახსნის თარიღი ჯერ უცნობია.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
