უორენ ბაფეტი: კარგი აქციების პოვნა სულ უფრო რთულდება

საფონდო ბირჟის ზრდის მიუხედავად, უორენ ბაფეტი მიიჩნევს, რომ მომგებიანი აქციების პოვნა სულ უფრო რთულდება. მისი შეფასებით, ბევრი კომპანიის ფასი ზედმეტად მაღალია და ბაზარზე ხელსაყრელი შესაძლებლობები იშვიათად ჩნდება.

ბაფეტის თქმით, დღეს ბევრი ინვესტორი გრძელვადიანი გათვლების ნაცვლად სწრაფ მოგებაზეა ორიენტირებული. ეს კი აქციების ფასებს ზრდის.

მისი საინვესტიციო მიდგომა წლების განმავლობაში მოთმინებასა და მკაცრ შერჩევას ეფუძნებოდა. ბაფეტი ინვესტიციამ მხოლოდ იმ კომპანიებში ახორციელებს, რომელთა საქმიანობაც კარგად ესმის და რომელთა მიმართაც ნდობა აქვს.

მისი ერთ-ერთი მთავარი პრინციპი კაპიტალის დაცვაა, ამიტომ ბაფეტი ინვესტორებს ურჩევს, არ იჩქარონ და საჭიროების შემთხვევაში ხელსაყრელ შესაძლებლობას რამდენიმე წელი დაელოდონ.

2023 წლიდან S&P 500 ინდექსი მნიშვნელოვნად გაიზარდა, რამაც ბევრი კომპანიის აქციები გააძვირა. სწორედ ამიტომ ბაფეტი მიიჩნევს, რომ დღეს ბაზარზე კარგი შენაძენის გაკეთება უფრო რთულია.

მათთვის, ვისაც ცალკეული აქციების შერჩევა არ სურს, სპეციალისტები S&P 500-ის ინდექსურ ფონდებში ინვესტირებას განიხილავენ. ეს მიდგომა ინვესტიციას ბევრ კომპანიაზე ანაწილებს და გრძელვადიან პერიოდში რისკის შემცირების ერთ-ერთ გზად მიიჩნევა.

წყარო: Yahoo Finance