Waymo-მ გაფართოებისთვის $5 მილიარდის დაფინანსება მიიღო
Alphabet-ის ავტონომიური ავტომობილების კომპანია Waymo-მ $5-მილიარდიანი სესხის შეთანხმება გააფორმა. ეს კომპანიის ისტორიაში პირველი შემთხვევაა, როდესაც მან გაფართოებისთვის სესხით დაფინანსება გამოიყენა.
გარიგების მთავარი მონაწილეები PIMCO, Blackstone და Sixth Street არიან. კრედიტორთა შორის მოხვდნენ Capital Group, Loomis Sayles და T. Rowe Price-იც, ხოლო Goldman Sachs-მა დაფინანსების ორგანიზება იკისრა.
Waymo მიღებულ თანხას რობოტაქსის სერვისის გაფართოებისთვის გამოიყენებს, როგორც აშშ-ში, ისე სხვა ქვეყნებში. გასულ თვეში კომპანიამ მომსახურება აშშ-ის მე-15 ქალაქშიც დაიწყო და სინგაპურის ბაზარზე შესვლაც დააანონსა.
სესხი წელს მიღებულ მსხვილ სააქციო დაფინანსებას ემატება. Waymo-მ რამდენიმე თვის წინ ინვესტორებისგან $16 მილიარდი მიიღო, გარიგებისას კი კომპანიის ღირებულება $126 მილიარდად განისაზღვრა.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
