Wendy’s-მა $1.4-მილიარდიანი შეთავაზება უარყო

Wendy’s-მა ნელსონ პელცის Trian Fund Management-ისა და მისი პარტნიორების 1.4-მილიარდიანი შეთავაზება უარყო. ჯგუფს სწრაფი კვების ქსელის სრულად შეძენა სურდა. Wendy’s-ის შეფასებით, შეთავაზებული ფასი კომპანიის რეალურ ღირებულებას მნიშვნელოვნად ჩამოუვარდება.

კომპანიამ დამატებითი ზომებიც მიიღო, რათა მსხვილ ინვესტორს მისი თანხმობის გარეშე აქციების დიდი წილი ვერ დაეგროვებინა. Trian-სა და მასთან დაკავშირებულ კომპანიებს Wendy’s-ის 16.3% უკვე ეკუთვნით.

ახლა ჯგუფს შეუძლია შეთავაზებული ფასი გაზარდოს, კომპანიის ხელმძღვანელობაში ცვლილებები მოითხოვოს ან Wendy’s-ის ახალი გეგმის შედეგებს დაელოდოს.

რაც შეეხება Wendy’s-ის გაყიდვებს, მესამე კვარტალში აშშ-ის რესტორნებში გაყიდვები 5.7%-ით შემცირდა. კომპანია მენიუსა და მარკეტინგის შეცვლაზე მუშაობს და 163-მდე რესტორნის შეძენასაც განიხილავს.

წყარო: Reuters