Wizz Air-ის თვითმფრინავებში Starlink-ის ინტერნეტი ამოქმედდება

Wizz Air მგზავრებისთვის Starlink-ის თანამგზავრული ინტერნეტის შეთავაზებას გეგმავს. 2027 წლიდან სერვისი ავიაკომპანიის მთელ ფლოტში იქნება ხელმისაწვდომი.

Wizz Air პირველი ევროპული დაბალბიუჯეტიანი ავიაკომპანია გახდება, რომელიც ბორტზე Starlink-ის სწრაფ ინტერნეტს ჩართავს. შეთანხმების ფინანსური დეტალები არ გასაჯაროვებულა, თუმცა ეს ნაბიჯი SpaceX-ისთვისაც მნიშვნელოვანია იმ ფონზე, როცა კომპანია ბირჟაზე გასვლისთვის ემზადება.

ამ სერვისის დანერგვას Wizz Air-ის კონკურენტები ჯერჯერობით თავს არიდებენ. Ryanair და EasyJet აცხადებენ, რომ ბორტზე ინტერნეტის დამატება დიდ ხარჯებთან არის დაკავშირებული და თვითმფრინავის წონასაც ზრდის, რაც საწვავის მოხმარებაზე მოქმედებს. Ryanair-ის გათვლით, მსგავსი სერვისი კომპანიას წელიწადში დაახლოებით 250 მილიონი დოლარი დაუჯდებოდა.

Starlink-ის ინტერნეტს უკვე იყენებენ რამდენიმე მსხვილი ავიაკომპანია, მათ შორის American Airlines, United, Southwest, Singapore Airlines და Emirates. Wizz Air კი ელოდება, რომ 2026 ფინანსურ წელს დადებითი შედეგით დაასრულებს.

წყარო: Investing.com