XRG Eni-ს ლიბიურ ბიზნესში წილის შეძენაზე მოლაპარაკებებს აწარმოებს

ADNOC-ის საინვესტიციო კომპანია XRG იტალიურ Eni-სთან ლიბიის ნავთობისა და გაზის ბიზნესში წილის შეძენას განიხილავს. მოლაპარაკებები საწყის ეტაპზეა და შეთანხმება ჯერ არ მიღწეულა.

Eni ლიბიაში 1959 წლიდან საქმიანობს. გასულ წელს ქვეყანაში მისი წარმოება დღეში დაახლოებით 162 ათას ბარელ ნავთობის ეკვივალენტს შეადგენდა, რაც კომპანიის საერთო მაჩვენებლის თითქმის 10%-ია. ლიბიურ ბიზნესს Eni სახელმწიფო National Oil Corporation-თან ერთად შექმნილი Mellitah Oil & Gas-ის მეშვეობით მართავს.

კომპანია გეგმავს, 2035 წლისთვის LNG-ის წლიური წარმოების მოცულობა 20-25 მილიონ ტონამდე გაზარდოს. სპარსეთის ყურეში გახანგრძლივებული დაძაბულობის ფონზე XRG სხვა რეგიონებშიც ზრდის აქტივობას. კომპანია Eni-სთან უკვე თანამშრომლობს არგენტინაში YPF-ის მრავალმილიარდიან LNG პროექტზე.

წყარო: Reuters