Agile Robots-ის ღირებულებამ $8.5 მილიარდს მიაღწია
გერმანულმა Agile Robots-მა ინვესტორებისგან კიდევ 500 მილიონი დოლარი მიიღო, რის შემდეგაც კომპანიის ღირებულებამ 8.5 მილიარდ დოლარს მიაღწია.
მთავარი ინვესტორი იაპონური SoftBank იყო. კომპანიაში Nvidia-მ, Hitachi-მ და სხვა ინვესტორებმაც ჩადეს თანხა. 2018 წლიდან Agile Robots-ში განხორციელებულმა ინვესტიციებმა ჯამში დაახლოებით 2 მილიარდ დოლარს მიაღწია.
მიუნხენში დაფუძნებული კომპანია ჰუმანოიდურ რობოტებს, რობოტულ ხელებსა და ქარხნებისთვის განკუთვნილ ავტომატურ სისტემებს ქმნის. მიღებული თანხით Agile Robots აშშ-ის ბაზარზე გასვლასა და გერმანიაში წარმოების გაზრდას გეგმავს.
კომპანიამ წელს მიუნხენთან ახლოს ახალი ქარხანაც გახსნა, სადაც წელიწადში 10,000-მდე ჰუმანოიდური რობოტის წარმოებაა შესაძლებელი.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
