Alibaba პენტაგონს სასამართლოში უჩივის

Alibaba აშშ-ის თავდაცვის დეპარტამენტის წინააღმდეგ სასამართლო დავას იწყებს. კომპანია ცდილობს, პენტაგონის იმ სიიდან ამოიღონ, სადაც ჩინეთის არმიასთან დაკავშირებული კომპანიები არიან შეყვანილი.

Alibaba-მ სარჩელი კალიფორნიის ფედერალურ სასამართლოში შეიტანა. კომპანიის განცხადებით, პენტაგონმა ის ჩინეთის არმიის მხარდამჭერ ორგანიზაციად მყარი მტკიცებულებებისა და საკმარისი განმარტების გარეშე მიიჩნია.

Alibaba ამბობს, რომ თვეების განმავლობაში ცდილობდა თავდაცვის დეპარტამენტთან თანამშრომლობას. კომპანიის ცნობით, მან უწყებას დეტალური ინფორმაცია მიაწოდა და ყველა კითხვას უპასუხა, რათა დაემტკიცებინა, რომ ჩინეთის არმიასთან არ თანამშრომლობს. თუმცა Alibaba-ს განცხადებით, პენტაგონმა მის არგუმენტებზე სათანადო პასუხი არ გასცა.

ამავე სიაში ბოლო პერიოდში სხვა მსხვილი ჩინური კომპანიებიც მოხვდნენ, მათ შორის Baidu და BYD. გასულ წელს პენტაგონმა სიაში Tencent-იც შეიყვანა.

წყარო: Yahoo Finance