Amazon-ის აქციების ფასი წლის ბოლომდე შესაძლოა კიდევ გაიზარდოს
Amazon-ის აქციების ფასი მეორე კვარტლის შედეგების გამოქვეყნების შემდეგ მკვეთრად გაიზარდა და წლის დასაწყისთან შედარებით დაახლოებით 15%-ით არის მომატებული. The Motley Fool-ის შეფასებით, აქციების გაძვირება შეიძლება კვლავ გაგრძელდეს.
მთავარი მიზეზი Amazon Web Services-ის (AWS) შედეგებია. მეორე კვარტალში AWS-ის შემოსავალი წლიურად 37%-ით, 42.2 მილიარდ დოლარამდე გაიზარდა. ამ ბიზნესზე Amazon-ის საოპერაციო მოგების დაახლოებით 60% მოდიოდა.
AWS-ზე მოთხოვნას ხელოვნური ინტელექტის სწრაფი განვითარებაც ზრდის. კომპანიებს ხელოვნური ინტელექტის მოდელებისა და სხვა პროგრამების მუშაობისთვის დიდი გამოთვლითი რესურსი სჭირდებათ და მათ ამ რესურსს Amazon აწვდის.
მოთხოვნა იმდენად მაღალია, რომ Amazon წელს მონაცემთა ცენტრებისა და სხვა ტექნოლოგიური ინფრასტრუქტურის განვითარებაში დაახლოებით 220 მილიარდი დოლარის დახარჯვას გეგმავს. კომპანიის ხელმძღვანელის, ენდი ჯასის თქმით, ამის მიუხედავად, AWS-ის არსებული რესურსი მოთხოვნის სრულად დასაკმაყოფილებლად საკმარისი არ იქნება.
The Motley Fool ყურადღებას Amazon-ის აქციების ფასზეც ამახვილებს. კომპანიის აქციების ფასი მის მოგებას დაახლოებით 21-ჯერ აღემატება, მაშინ როცა S&P 500-ის საშუალო მაჩვენებელი 25.3-ია.
წყარო: Yahoo Finance
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
