Anthropic ბირჟაზე გასასვლელად ემზადება და SpaceX-ის რეკორდის მოხსნას გეგმავს
ხელოვნური ინტელექტის კომპანია Anthropic ბირჟაზე გასასვლელად ემზადება და პირველადი საჯარო შეთავაზების მოცულობით SpaceX-ის რეკორდის გამეორებას ან გადაჭარბებას გეგმავს.
მან შესაბამისი განაცხადის წარდგენა შესაძლოა თვის ბოლოს დაიწყოს. ინვესტორებთან ბოლო შეხვედრებს კომპანიის ფინანსური დირექტორი კრიშნა რაო უძღვებოდა, თუმცა Anthropic-ის სავარაუდო საბაზრო ღირებულებაზე არ უსაუბრია.
SpaceX-ის აქციების პირველადი საჯარო შეთავაზების მოცულობამ 75 მილიარდი დოლარი შეადგინა, დამატებითი აქციების გაყიდვის შემდეგ კი 86.2 მილიარდ დოლარს მიაღწია.
Anthropic-მა მაისში 65 მილიარდი დოლარი მოიზიდა და მაშინ მისი ღირებულება 965 მილიარდ დოლარი იყო. მეორე კვარტალში კომპანიის წინასწარმა შემოსავალმა 11.5 მილიარდ დოლარს გადააჭარბა, მაშინ როცა ერთი წლით ადრე ეს მაჩვენებელი 787 მილიონი დოლარი იყო.
Anthropic შესაძლოა ბირჟაზე OpenAI-ზე ადრე გავიდეს. OpenAI ამჟამად 2027 წელს გეგმავს საჯარო კომპანიად ქცევას. Anthropic-ის ბირჟაზე გასვლის პროცესში Morgan Stanley, Goldman Sachs და JPMorgan მონაწილეობენ.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
