Anthropic-ის ღირებულებამ ბირჟაზე გასვლისას შესაძლოა $2 ტრილიონს გადააჭარბოს
Anthropic ბირჟაზე გასასვლელად ემზადება და IPO-ს დროს კომპანიის ღირებულებამ შესაძლოა 2 ტრილიონ დოლარს გადააჭარბოს.
Anthropic-ის შემოსავალი 2025 წელს თითქმის თორმეტჯერ გაიზარდა და 4.6 მილიარდ დოლარს მიაღწია. ამავე პერიოდში საოპერაციო ზარალი 2.98 მილიარდიდან 8.06 მილიარდ დოლარამდე გაიზარდა. მხოლოდ ხელოვნური ინტელექტის მოდელების მუშაობისთვის საჭირო ტექნოლოგიებსა და რესურსებზე კომპანიამ წლის განმავლობაში 7.33 მილიარდი დოლარი დახარჯა.
აღსანიშნავია, რომ მომდევნო წლებში Anthropic-ს ღრუბლოვანი სერვისებისა და სხვა ტექნიკური რესურსებისთვის ჯამში 518 მილიარდ დოლარამდე გადახდის ვალდებულება აქვს. ბირჟაზე გასვლისას გაირკვევა, რამდენად მაღალ შეფასებას მიიღებს Anthropic ინვესტორებისგან.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
