Apple ბრიტანეთის მთავრობას უჩივის

Apple-მა ბრიტანეთის ხელისუფლების წინააღმდეგ სასამართლოში სარჩელი შეიტანა. დავა მას შემდეგ დაიწყო, რაც ბრიტანეთის მთავრობამ Apple-ს ბრიტანელი მომხმარებლების დაშიფრულ მონაცემებზე წვდომა მოსთხოვა.

ბრიტანეთის ხელისუფლება აცხადებს, რომ ასეთ ინფორმაციაზე წვდომა სამართალდამცავ ორგანოებს ტერორიზმთან, მძიმე დანაშაულსა და ბავშვთა მიმართ ძალადობასთან ბრძოლაში სჭირდებათ.

Apple მოთხოვნას ეწინააღმდეგება და აცხადებს, რომ დაშიფრული მონაცემების გახსნა ყველა მომხმარებლის უსაფრთხოებას საფრთხეს შეუქმნის.

კომპანიის განცხადებით, მას საკუთარი პროდუქტების დაცვის სისტემის გვერდის ავლის საშუალება არასდროს შეუქმნია და არც მომავალში შექმნის.

გასულ წელს ბრიტანეთის მთავრობამ მსგავსი მოთხოვნა აშშ-ის ადმინისტრაციასთან მოლაპარაკებების შემდეგ გააუქმა. მაშინ მოთხოვნა ამერიკელი მომხმარებლების მონაცემებსაც ეხებოდა, ახალი მითითება კი მხოლოდ ბრიტანელ მომხმარებლებზე ვრცელდება.

წყარო: Investing.com