აშშ ავტომობილების საწვავის ეკონომიის მოთხოვნებს შეამცირებს

აშშ-ის ტრანსპორტის სამინისტრო 28 სექტემბერს ავტომობილებისა და მსუბუქი სატვირთოებისთვის საწვავის მოხმარების ახალ სტანდარტებს დაამტკიცებს. ახალი წესები ბაიდენის ადმინისტრაციის მიერ დაწესებულ მოთხოვნებთან შედარებით მნიშვნელოვნად შემსუბუქდება.

ახალი წესების მიხედვით, 2031 წლისთვის მწარმოებლების ავტომობილებს საშუალოდ ერთი გალონით 34.5 მილის გავლა უნდა შეეძლოს, რაც დაახლოებით 14.7 კილომეტრია ერთ ლიტრზე. მოქმედი გეგმა 50.4 მილის, ანუ დაახლოებით 21.4 კილომეტრის მაჩვენებელს ითვალისწინებდა.

ტრანსპორტის სამინისტროს გათვლით, ცვლილება ახალი ავტომობილის საშუალო ფასს დაახლოებით $930-ით შეამცირებს. ნაკლებად მკაცრი მოთხოვნები მწარმოებლებს ბენზინზე მომუშავე მოდელების გაყიდვასაც გაუადვილებს და ელექტრომობილებზე გადასვლის ზეწოლას შეასუსტებს.

მეორე მხრივ, ახალი წესები 2050 წლამდე საწვავის მოხმარებას დაახლოებით 100 მილიარდი გალონით გაზრდის. მძღოლები საწვავზე დამატებით $185 მილიარდს დახარჯავენ, ნახშირორჟანგის გამოყოფა კი დაახლოებით 5%-ით მოიმატებს. ცვლილება მაშინ შედის ძალაში, როდესაც აშშ-ში საწვავის ფასები უკვე მაღალია.

წყარო: Reuters