Western Union-მა $500-მილიონიანი გარიგება გააუქმა

ფულადი გზავნილების კომპანია Western Union-მა კონკურენტი International Money Express-ის, იგივე Intermex-ის, დაახლოებით 500 მილიონ დოლარად შეძენის შეთანხმება გააუქმა. მიზეზი კალიფორნიის მარეგულირებლის მიერ დაწესებული პირობებია.

Western Union-ის განცხადებით, ახალი მოთხოვნები კომპანიას მუშაობის წესებისა და პარტნიორებთან ურთიერთობის მნიშვნელოვნად შეცვლას აიძულებდა. ხელმძღვანელობამ გადაწყვიტა, რომ ასეთ პირობებში გარიგების გაგრძელება მის ინტერესებში აღარ იყო.

Western Union-მა შესყიდვაზე შეთანხმებას 2025 წელს მიაღწია. გარიგების მიზანი ლათინური ამერიკისა და კარიბის ზღვის ქვეყნების მიმართულებით ფულადი გზავნილების ბიზნესის გაფართოება იყო, თუმცა Intermex გადაწყვეტილებას არ ეთანხმება. კომპანია მიიჩნევს, რომ Western Union-ს შეთანხმების გაუქმების უფლება არ ჰქონდა და გარიგების დასრულებას მოითხოვს.

Intermex სამართლებრივი ზომების მიღებასაც გეგმავს, მათ შორის შესაძლო ზარალის ანაზღაურების მოთხოვნას. ორ კომპანიას შორის დავა შეიძლება სასამართლოში გაგრძელდეს.

წყარო: Yahoo Finance