აშშ-ში მომხმარებელთა განწყობის ინდექსი 2014 წლის შემდეგ ყველაზე დაბალ ნიშნულზეა

აშშ-ში მომხმარებელთა ნდობის მაჩვენებელი სექტემბერში 81.9 პუნქტამდე დაეცა, რაც 2014 წლის აპრილის შემდეგ ყველაზე დაბალი დონეა. Conference Board-ის ინდექსი ერთ თვეში 6.7 პუნქტით შემცირდა, მაშინ როცა ეკონომისტები 89.2 პუნქტს ელოდნენ.

მომხმარებელთა განწყობა სხვადასხვა შემოსავლის, ასაკისა და პოლიტიკური შეხედულების მქონე ჯგუფებში გაუარესდა. გამოკითხულები მომდევნო ექვს თვეში ბიზნესისა და შრომის ბაზრის მდგომარეობის გაუარესებას ელიან.

მხოლოდ 23.6% მიიჩნევს, რომ სამუშაო ადგილები საკმარისად ბევრია. ეს 2021 წლის თებერვლის შემდეგ ყველაზე დაბალი მაჩვენებელია. ამავდროულად, 21.9% ამბობს, რომ სამსახურის პოვნა რთულია, რაც 2021 წლის იანვრის შემდეგ ყველაზე მაღალი მაჩვენებელია.

აგვისტოში აშშ-ში თავისუფალი სამუშაო ადგილების რაოდენობა 256 ათასით შემცირდა და 7.079 მილიონი შეადგინა. მომხმარებელთა განწყობაზე გავლენას ახდენს ენერგიის, სურსათისა და იპოთეკური სესხების მაღალი ფასი. ფასებზე დამატებითი ზეწოლა ახლო აღმოსავლეთში მიმდინარე კონფლიქტმაც შექმნა, რის ფონზეც Fed-მა სექტემბერში საპროცენტო განაკვეთი სამი წლის განმავლობაში პირველად გაზარდა.

წყარო: Reuters