Binance-მა Circle-ში $100 მილიონის წილი შეიძინა
Binance-მა სტეიბლკოინ USDC-ის შემქმნელ კომპანია Circle-ში 100 მილიონი დოლარის ღირებულების წილი შეიძინა. კომპანიებმა თანამშრომლობაც გააფართოვეს.
Circle-ის ინფორმაციით, 17 სექტემბერს Binance-ს დაახლოებით 1.24 მილიონი აქცია მიჰყიდა. თითო აქციის ფასი $80.84 იყო. Circle-ის საბაზრო ღირებულება ამჟამად დაახლოებით $24 მილიარდია.
Circle უშვებს USDC-ს, ერთ-ერთ უმსხვილეს სტეიბლკოინს. ასეთი კრიპტოაქტივის ფასი კონკრეტულ ვალუტასთან, ამ შემთხვევაში აშშ დოლართან, არის დაკავშირებული. USDC-ის საბაზრო ღირებულება თითქმის $75 მილიარდს შეადგენს.
Binance-სა და Circle-ს შორის გაფართოებული შეთანხმება ხუთწლიან პერიოდს მოიცავს. Circle Binance-ს ყოველთვიურ საკომისიოს გადაუხდის, Binance კი საკუთარ პლატფორმაზე USDC-ის გამოყენების ზრდაზე იმუშავებს. ხელშეკრულებით გათვალისწინებულ გარკვეულ შემთხვევებში მხარეებს თანამშრომლობის ვადამდე შეწყვეტაც შეეძლებათ.
გარიგება Binance-სა და აშშ-ის ერთ-ერთი უმსხვილესი სტეიბლკოინის გამომშვებს შორის კავშირს კიდევ უფრო აძლიერებს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
