Bitcoin Suisse ჩრდილოეთ ევროპაში საქმიანობას აფართოებს

Bitcoin Suisse ჩრდილოეთ ევროპის ბაზარზე საქმიანობას აფართოებს. კომპანიის ევროპულმა შვილობილმა Bitcoin Suisse (Europe) AG-მ შვედეთისა და რეგიონის სხვა ქვეყნების გენერალურ მენეჯერად ემი ედბერგი დანიშნა.

ედბერგი კერძო და ინსტიტუციურ კლიენტებთან მუშაობას უხელმძღვანელებს. Bitcoin Suisse მათ კრიპტოაქტივებით ვაჭრობის, შენახვის, სტეიკინგისა და სხვა ფინანსურ მომსახურებებს სთავაზობს.

Bitcoin Suisse-მ ცოტა ხნის წინ MiCA-ს ფარგლებში შესაბამისი ლიცენზიაც მიიღო, რაც მას ევროკავშირის ბაზარზე საქმიანობის გაფართოების საშუალებას აძლევს.

ჩრდილოეთის ქვეყნები კომპანიისთვის განსაკუთრებით საინტერესოა, რადგან რეგიონში კრიპტოვალუტის გამოყენება უკვე ფართოდაა გავრცელებული. 2026 წლის Nordic Crypto Adoption Report-ის მიხედვით, რეგიონში კრიპტოაქტივებს დაახლოებით 2.5 მილიონი ადამიანი ფლობს, მათგან 1.1 მილიონზე მეტი შვედეთში ცხოვრობს.

Bitcoin Suisse- მა არაბთა გაერთიანებულ საამიროებში რეგულირებული ფინანსური მომსახურების ნებართვაც მიიღო და ახლა ევროპაში უფრო ფართო ინსტიტუციური კლიენტების მოზიდვას ცდილობს.

წყარო: Investing.com