Blackstone Pfizer-ის ახალ წამალს $1.5 მილიარდით დააფინანსებს

Blackstone Pfizer-ს სიმსუქნის სამკურნალო ახალი პრეპარატის განვითარებისთვის 1.5 მილიარდ დოლარამდე გამოყოფს. თანხა კლინიკური კვლევების ბოლო ეტაპზე დაიხარჯება.

საუბარია berobenatide-ზე, რომელიც Pfizer-მა Metsera-ს 10 მილიარდ დოლარად შეძენის შემდეგ მიიღო. პრეპარატი წონის კონტროლისთვისაა შექმნილი და მისი ერთ-ერთი შესაძლო უპირატესობა თვეში ერთხელ გაკეთებული ინექციაა.

Blackstone ათამდე კლინიკური კვლევის დაფინანსებაში მიიღებს მონაწილეობას და თანხას ეტაპობრივად, 2028 წლამდე გამოყოფს. თუ პრეპარატი აშშ-ის სურსათისა და მედიკამენტების ადმინისტრაციის ნებართვას მიიღებს და გაყიდვები შეთანხმებულ მაჩვენებლებს მიაღწევს, Pfizer Blackstone-ს დამატებით თანხას გადაუხდის.

Pfizer სიმსუქნის სამკურნალო მედიკამენტების ბაზარზე პოზიციების გაძლიერებას ცდილობს, სადაც უკვე მყარად არიან წარმოდგენილი Novo Nordisk და Eli Lilly.

წყარო: Yahoo Finance