BMW-ს გაყიდვები და მოგება ჩინეთში მკვეთრად მცირდება

ჩინეთის ბაზარზე შექმნილი სირთულეების გამო, გერმანული ავტომწარმოებლის - BMW -ის გაყიდვები და შემოსავლები მნიშვნელოვნად იკლებს. მიუხედავად იმისა, რომ კომპანიის აქციები ამჟამად რეალურ ღირებულებასთან შედარებით იაფია, ბაზარზე არსებული გაურკვევლობა ინვესტორთა აქტივობას ზღუდავს.

BMW წელს ჩინეთში დაახლოებით 500,000 ავტომობილის გაყიდვას ელის. შედარებისთვის, ჩინეთის ბაზარზე, საუკეთესო შემთხვევაში, კომპანია წელიწადში 800,000-მდე ავტომობილს ყიდდა. თუ ტენდენცია გაგრძელდება, 2030 წლისთვის გაყიდვები შესაძლოა 300,000-მდე შემცირდეს. მოგებაც მკვეთრად იკლებს: 2023 წელს ჩინეთის ბაზრიდან მიღებული მოგება დაახლოებით 5 მილიარდ ევროს შეადგენდა, წელს კი ის, სავარაუდოდ, 1 მილიარდ ევროზე ნაკლები იქნება. მთავარი მიზეზებია ჩინური ელექტრომობილების მწარმოებლების გაძლიერება, ფასების კონკურენცია და გეოპოლიტიკური გაურკვევლობა. სექტემბერში BMW-ის ახალი ხელმძღვანელი მილან ნედელკოვიჩი კომპანიის გეგმას წარადგენს. ანალიტიკოსების შეფასებით, BMW-ს ხარჯების შემცირება და ბიზნესის გადახედვა დასჭირდება, რათა მომგებიანობა 6%-8%-ის ფარგლებში შეინარჩუნოს. სანამ კომპანია მკაფიო გეგმას არ წარადგენს, ჩინეთის ბაზარზე არსებული პრობლემები ინვესტორების ინტერესზე გავლენას კვლავ მოახდენს.

წყარო: Investing.com