ბრიტანეთის საბანკო სექტორში საკუთარი ხელოვნური ინტელექტის შექმნას ითხოვენ
ამერიკულ ტექნოლოგიებზე დამოკიდებულება ბრიტანეთის საბანკო სექტორისთვის სულ უფრო დიდ პრობლემად იქცევა. ამის გამო ქვეყანაში საკუთარი ციფრული ინფრასტრუქტურისა და ხელოვნური ინტელექტის მოდელების შექმნის აუცილებლობაზე საუბარი გააქტიურდა.
ბრიტანეთის ფინანსთა სამინისტროს მრჩეველი და Starling Bank-ის საინფორმაციო დირექტორი ჰარიეტ რისი აცხადებს, რომ ქვეყანამ ამ მიმართულებით სწრაფად უნდა იმოქმედოს და ადგილობრივი ცოდნისა და ტექნოლოგიური შესაძლებლობების განვითარებას მეტი ყურადღება დაუთმოს.
მისი მოწოდება მას შემდეგ გაჟღერდა, რაც ბრიტანულ ბანკებს ამერიკული კომპანია Anthropic-ის უახლეს მოდელ Mythos-ზე წვდომა შეეზღუდათ. აღნიშნული მოდელი კიბერუსაფრთხოების ხარვეზების აღმოჩენის ერთ-ერთ ყველაზე ეფექტიან საშუალებად მიიჩნევა და ბანკებს საკუთარი სისტემების დაცვაში ეხმარება.
ამ ტექნოლოგიაზე წვდომა ამჟამად ძირითადად ამერიკულ ბანკებსა და მათ ბრიტანულ ფილიალებს აქვთ. რისის შეფასებით, ბრიტანეთმა აშშ-ის ტექნოლოგიურ კომპანიებზე დამოკიდებულება უნდა შეამციროს, წინააღმდეგ შემთხვევაში შესაძლოა ფინანსურ სექტორში კონკურენტული უპირატესობა დაკარგოს.
წყარო: Investing.com
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
