ბრიტანეთმა Google-ს საძიებო სისტემებისა და AI ასისტენტების არჩევანის შეთავაზება მოსთხოვა
ბრიტანეთის კონკურენციის მარეგულირებელმა Google-ისთვის ახალი მოთხოვნები წარადგინა. წინადადების დამტკიცების შემთხვევაში, Android-ისა და Chrome-ის მომხმარებლებს საძიებო სისტემებთან ერთად AI ასისტენტების არჩევის შესაძლებლობაც ექნებათ.
Google-ს Android ტელეფონის ჩართვისა და საწყისი პარამეტრების არჩევის დროს, ასევე Chrome-ის გახსნისას, მომხმარებლისთვის არჩევანის ფანჯრის ჩვენება მოუწევს. იქ შესაძლებელი იქნება სასურველი საძიებო სისტემისა და AI ასისტენტის არჩევა.
რეგულატორი Google-ს გამომცემლების მასალების წყაროს მკაფიოდ მითითებასაც სთხოვს. ამით მომხმარებელი შეძლებს ნახოს, საიდან არის ინფორმაცია და სურვილის შემთხვევაში ორიგინალ წყაროზეც გადავიდეს.
წინადადებებზე საჯარო განხილვა 9 ოქტომბრამდე გაგრძელდება, საბოლოო გადაწყვეტილება კი წლის ბოლომდეა მოსალოდნელი. წესების მიღება Google-ის კონკურენტებს Android-სა და Chrome-ზე მომხმარებლების მოზიდვის ახალ შესაძლებლობას მისცემს.
წყარო: Reuters
მიიღე ჩვენი უახლესი საბაზრო ანალიზი და ფინანსური მიმოხილვები პირდაპირ ელფოსტაზე. სპამის გარეშე — მხოლოდ მნიშვნელოვანი.
