ჩინეთის სახელმწიფო კომპანია Shenghe Resources-ის შეძენას განიხილავს

ჩინეთის სახელმწიფო China Rare Earth Group-ი იშვიათი ლითონების მწარმოებელი Shenghe Resources-ის შეძენას განიხილავს. მოლაპარაკებები მიმდინარე წლის დასაწყისიდან მიმდინარეობს. გარიგება განსაკუთრებით საინტერესოა Shenghe-ის უცხოური აქტივების გამო. კომპანია ამერიკულ MP Materials-ში 3%-იან წილს ფლობს. MP Materials-ის უმსხვილესი აქციონერი კი აშშ-ის თავდაცვის დეპარტამენტია. კომპანია ასევე კალიფორნიაში Mountain Pass-ის იშვიათი ლითონების საბადოს მართავს.

Shenghe-მა კვირას განაცხადა, რომ მედიაში გავრცელებული ინფორმაცია შესაძლო გარიგების შესახებ მცდარია. კომპანიის თქმით, მის საკონტროლო პაკეტთან დაკავშირებით სხვა მხარისთვის გადაცემის გეგმა არ არსებობს.

თუ შეთანხმება შედგა, ჩინეთის სახელმწიფოს კონტროლი ქვეყნის იშვიათი ლითონების სექტორზე კიდევ უფრო გაიზრდება. ეს მასალები ელექტრომობილების, ელექტრონიკისა და თავდაცვის ინდუსტრიისთვის არის საჭირო.

წყარო: Investing.com